عاٸشہ اپنی بات کہہ کر جا چکی تھی۔ حمزہ حیران تھا کہ یہ بات عاٸشہ نے کیوں کی۔ ایسا کیا ہوا تھا۔ اسی لمحےفون پر مسیج کی گھنٹی بجی۔ “حمزہ !…عاٸزہ تمھارے اور اپنے بارے میں سارے کالج میں باتیں پھیلا رہی ہے اس سے بچ کر رہو “…۔ ارسہ کا مسیج دیکھ کر وہ چونک گیا ۔
“کیا کہا !؟”….عاٸزہ نے۔ حمزہ کو ایک دم سے غصہ آ گیا ۔
“دیکھو حمزہ !۔۔پورا کالج جان چکا ہےکہ تم اور عاٸزہ ایک دوسرے سے میسج پر بات کرتے ہو ۔کل کو کوٸی اور بات بھی بن سکتی ہے” ۔ ارسہ نے میسج کیا ۔
عاٸشہ نے بھی تو ڈھکے چھپے لفظوں میں یہی کہا تھا وہ اس کی خوشی برباد نہیں کرنا چاہتی تھی اور ارسہ کو علم ہی نہیں تھا کہ حمزہ کسی بات پر خوش بھی ہے یا نہیں ۔
حمزہ نے اسے کوٸی جواب نہ دیا لیکن اس کے دماغ میں گویا پٹاخے بجنے لگے ۔
“کوٸی لڑکی اس طرح بھی کر سکتی ہے ؟جو گڈ مارننگ کا میسج کرے اور جوابا شکریہ کو دوستی کا نام دے کر اپنے کالج میں پھیلا دے۔ ۔۔”تمھیں شرم نہ آٸی میرے اور اپنے بارے میں ایسی باتیں پھیلاٸی ہیں کالج میں ۔ حمزہ نے تلملا کر عاٸزہ کو میسج کیا ۔ حمزہ تم سے ایسا کس نے کہا ۔ عاٸزہ نے پوچھا ۔ آٸیندہ تم نے میسج کیا یا بات کرنے کی کوشش کی تو میں تمھیں جان سے مار دوں گا” ۔ حمزہ نے کہا اور فون کو ایک جانب اچھال دیا ۔
ساری رات وہ غم و غصے میں جھلستا رہا۔
عاٸشہ اور ارسہ بھی اس رات جاگتی رہیں جبکہ عاٸزہ آرام سے سو گٸی کیونکہ اس کے لیے یہ بات اہم نہ تھی ۔ سورج آج ٹھنڈی دھوپ لیے زمین کو گرما رہا تھا ۔
گھاس پر پڑی شبنم کے قطرے اس دھوپ کی روشنی سے جگمگا اٹھے تھے اور آہستہ آہستہ ہوا میں تحلیل ہونے لگے تھے۔ آج وہ سب اپنی گاڑی میں جا رہے تھے نوفل حمزہ کے ساتھ اگلی سیٹ پر بیٹھا تھا عاٸشہ اور راحیلہ پچھلی سیٹ پر بیٹھی تھیں ۔
“ارسہ کو بھی پک کرنا ہے “….. عاٸشہ نے کہا تو حمزہ نے بنا کوٸی بات کیے گاڑی موڑ لی ۔
ارسہ تیار ہو کر گھر کے دروازے پر ان کا انتظار کر رہی تھی۔ اس کی آنکھوں کی لالی رت جگے کی غماز تھی۔ گاڑی اس کے سامنے رکی تو اس نے گہری نظروں سے حمزہ کو دیکھا جس کی آنکھوں میں سرخی اور چہرے پر سنجیدگی جھلک رہی تھی ۔
ارسہ بنا کچھ کہے پچھلی سیٹ پر عاٸشہ کے ساتھ جا بیٹھی ۔ راحیلہ اور عاٸشہ دونوں سے مصافحہ کیا ۔ ۔۔
“کمال ہے!….. ایک گاڑی میں تین خواتین بیٹھی ہوں اور اتنی خاموشی ہو ۔ یہ خیریت کی نشانی نہیں” ۔ نوفل نے مسکراتے ہوۓ کہا ۔
“صبح کا وقت ہے نا اس لیے چپ ہیں”…..۔راحیلہ نے کہا ۔
“ہاں!…. ۔ ویسے تم سب کو نٸی گاڑی کی مبارک ہو”…. ارسہ نے ہلکی سی مسکراہٹ چہرے پر سجاتے ہوۓ کہا ۔
“خیر مبارک باجی!…. شکرہے آپ نے اپنی کوٸل کی سی آواز ہمیں سنوا دی ورنہ ہم تو محروم رہ جاتے ” ۔ نوفل نے کہا تو گاڑی کا ماحول ایک دم سے خوشگوار ہو گیا ۔
حمزہ سب کو اپنے اپنے سکولوں اور کالج اتار کر اپنے کالج چلا گیا ۔ کالج سے چھٹی ہوٸی تو اس نے سب کو اپنے اپنے کالج سکول سے گھروں کو پہنچایا اور خود دکان کی جانب بڑھ گیا ۔
مغرب کا وقت تھا وہ واپس آ رہا تھا راستے میں علی اپنے باٸیک پر گھر جا رہا تھا حمزہ نے گاڑی بالکل اس کے باٸیک کے سامنے جا کر روکی ۔علی نے بھی ہنستے ہوۓ باٸیک کو بریک لگاٸی ۔حمزہ گاڑی سے باہر نکل آیا ۔علی بھی باٸیک سے اترا اور آگے بڑھ کر اسے گلے لگا لیا ۔
“اوۓ حمزہ!… نٸی گاڑی کی مبارکباد ۔۔بہت بہت مبارک ہو ۔مٹھاٸی کدھر ہے؟ “۔ علی کا لہجہ خوشی سے بھرپور تھا۔
“آ چل ۔۔۔ہوٹل چلتے ہیں تجھے کھانا کھلاتا ہوں”…… حمزہ نے علی کے کندھے پر تھپکی دیتے ہوۓ کہا ۔
“یار!… پہلے میں باٸیک گھر چھوڑ دوں”….. علی نے کہا ۔حمزہ نے گردن ہلاٸی اور گاڑی میں بیٹھ گیا ۔
علی نے بھی باٸیک سٹارٹ کی۔ وہ دونوں حویلی کی جانب بڑھے ۔
“امی! ۔۔۔میں حمزہ کےساتھ جا رہا ہوں ۔ کھانا ہم باہر کھاٸیں گے رات کا”……علی نے باٸیک گھر کھڑی کی اور وہیں سے آواز لگاٸی ۔
“علی! ۔۔علی ۔۔میرے لیے رجسٹر لیتے آنا ختم ہوا ہے ۔”…..ارسہ نے چلا کر کہا ۔
علی سنی ان سنی کرتا ہوا باہر نکل گیا جہاں حمزہ اس کا انتظار کر رہا تھا ۔
…………………………………………………………………………………..
اب ان کی روٹین بن گٸی تھی حمزہ سب کو پک اینڈڈراپ دیتا پھر دوکان جو اب کافی بڑی ہو چکی تھی وہاں چلا آتا۔۔ اسجد صاحب محدود پیمانے پر سونے کا کاروبار کرتے تھے جبکہ حمزہ نے اس کاروبار میں سنگاپور اور دوبٸی کے ڈٸزاٸن متعارف کرواۓ تھے۔ جس کی وجہ سے ان کے بناۓ ہوۓ زیورات کی مانگ دور دور تک بڑھ گٸی تھی ۔ اب ان وہ دوسرے گاٶں کو زیورات بھجوانے لگے تھے ۔ گھر میں خوشحالی کا دور دورہ ہو چکا تھا۔ ۔
عاٸزہ اب بھی میسج کرتی لیکن حمزہ اس کا جواب دینا گوارہ نہ کرتا۔عاٸزہ ٹھنڈی آہیں بھر کر رہ جاتی لیکن کالج میں وہ روز ہی نٸے سے نٸے قصے اپنے اور حمزہ کے بارٕے میں سنانے لگی۔
“یہ دیکھو!…. مجھے حمزہ نے خریدکر دیا ہے” ۔ عاٸزہ نے ایک خوبصورت پن کالج کی لڑکیوں کو دیکھاتے ہوۓ کہا ۔
“حمزہ نے! ۔۔واہ دیکھاٶ تو” ۔۔۔دوسری لڑکی نے کہا ۔
“کتنا پیارا ہے نا ۔ بہت خوب” ۔۔تسیری لڑکی لڑکی نے کہا ۔
“عاٸشہ جی!…… ۔ اپنے بھاٸی کو کہہ کےایک پن مجھے منگوا دیں عاٸزہ جیسا۔ میں آپ کو پیسے دوں گی”۔ ایک لڑکی عاٸشہ کو ڈھونڈتے ڈھونڈتے لإبریری تک آن پہنچی ۔
“مجھے اس پن کے بارے میں کوٸی علم نہیں.اور اگر میرے بھائی نے لے کر دیا ہوتاتو مجھے لے کر دیا ہوتا ناکہ عائزہ کو”…….عاٸشہ نے اکتاۓ ہوۓ لہجے میں کہا ۔
ارسہ جو اس کے ساتھ ہی کتابیں کھولے نوٹس بنا رہی تھی اسی طرح سر جھکاۓ بیٹھی رہی ۔
“پھربھی آپ بھاٸی سے کہیے گا ۔ سچ پوچھیں تو پن بہت ہی اچھا ہے”…. لڑکی نے گذارش کے انداز میں کہا ۔
عاٸشہ تلملا اٹھی غصہ تو ارسہ کو بھی آیا کہ حمزہ کو عاٸزہ کے بارے میں سب بتایا پھر بھی وہ سنبھلا نہیں۔
“حمزہ کو سمجھ کیوں نہیں آرہی ۔ میں نے اسے سمجھایا بھی تھا کہ یہ لڑکی ٹھیک نہیں ۔ اب دیکھو پورے کالج میں ڈھول بجا دیا” ۔ عاٸشہ نے دونوں ہاتھوں سے سر تھاما ۔
“میں نے بھی سمجھایا تھا لیکن وہ فون پر باتیں کرنا تو کیا ہی چھوڑتا وہ ایک قدم آگے بڑگیا “………ارسہ نے تاسف سے کہا
